El calor yera insoportable,les rampes durísimes,la densidad del aire,cargau de partícules de arcelor mittal,nun yera la meyor ventaxa,pa enrriba aire de cara,les lesiones que nun mos dexaron rendir al cien por cien pero al final acabemos por facer cumbre nel picu más altu de Aviles,el Gorfolí (619 m). Esta ye la primera de les cumbres de nuestru ambiciosu proyetu, 7 cumbres 7 fartures ,que iniciamos nesti día. Contamos pa esti proyetu con los patrocinaores habituales, callos la tila,biomanan,bio centuri. Salimos del campu base a les 16:30 con equipo de ataque,les condiciones meteorolóxiques nun lleren del to bones y pa enrriba díbemos sin aclimatar ni gota,a media subida da-i a la mio neña un pinchazu na rodilla que la dexa tarazá de dolores,intento facela entender que el picu va a tar siempre ellí y que tovía el permisu que nos habien fecho pa escalalu nos daba pa recuperanos y pa volver a intentalo,pero como esta waja ye más brava que munchos paisanos que van de gafos pues tiró pa arriba en sin oxígeno suplementario y con la rodilla a rastres,yó que venia con un poco dolor de cabeza (pa una vez que nun ye de resaca) notaba como la asmósfera se diba cargando poco a poco pero tiré de reserves y llogré seguir la huella que me fizo la mio pichona. A les 18:00 pudimos facer cumbre en medio de una tormenta (de radiaciones porque nel picu nun entra una antena más) y en sin más demora,tirémonos abaxo per la via directa gradua como A1-fc (vía sin equipar y fartuca de felechos y cardos que te cagas). A les 19:30 llegamos al campu base,después de una ducha y de poner les chancles,marchemos a celebralo como dios manda. Seguiremos informando desde el exilio.
No hay comentarios:
Publicar un comentario